Kryeministri Hashim Thaçi po diskuton me partnerët e koalicionit për riformatim të Qeverisë, pak muaj para mbajtjes së zgjedhjeve nacionale në Kosovë.
I pari i Qeverisë së Kosovës ka vendosur t’i zëvendësojë disa ministra e zëvendësministra, të cilët nuk kanë pasur performancë të kënaqshme dhe kanë qenë të përfshirë në skandale të ndryshme.
Gazeta “Zëri” citon sot burime brenda qeverisë, sipas të cilave riformatimi po ndodh me qëllim të përmirësimit të imazhit të ekzekutivit.