Thjesht gazeta… “Xhelali”

Kryetari i Bashkisë së Kamzës, Xhelal Mziu, bën një gazetë. Deri këtu nuk ka asgjë të keqe, ajo është një media e cila mbulon aktivitetet e institucionit dhe lajmëron qytetarët për planet e së ardhmes, të paktën këtë ka për qëllim. Por teksa sheh faqen e saj të parë, kupton që nuk është kështu. Mziu e ka privatizuar edhe median e qytetit që ai administron, që në fakt me aq shumë foto të tijat sa ka në faqe të parë do të ishte mirë që mos të quhej më “Kamza”, por “Xhelal”. E pse jo, në këtë formë justifikon edhe 336 mijë fotot me syçkat e tij në brendi të saj.