Thonjtë e futur në mish, parandalimi dhe kurimi

Nëse i prisni thonjtë e këmbëve shumë shkurt, sidomos në anët e gishtit të madh, mund të filloni të vëreni se ata kanë tendencën të futen në mish. Shumë njerëz kur presin thonjtë e gishtave të këmbës kanë tendencën t’i japin një rrumbullakësi në cepa, në mënyrë që profili i thoit të ndjek atë të gishtit: në fakt kjo teknikë mund të nxis që thoi të depërtojnë nën lëkurë. Thoi mund të futet në mish edhe në qoftë se vishni këpucë që janë shumë të ngushta, ose shumë të shkurtra.

Simptomat

Në fillim gishti ku ndodhet thoi i hyrë në mish mund forcohet, enjtet dhe tw dhembi. Më pas bëhet i kuq, infektohet dhe dhimbja bëhet akoma më e madhe. Thonjtë e futur në mish janë një çrregullim i zakonshëm dhe i dhimbshëm, sidomos mes adoleshentëve. Çdo thua gishti mund të futet në mish, por problemi në shumicën e rasteve prek gishtin e madh të këmbës. Thuhet se keni një thua të futur në mish, kur lëkura në një ose të dy anët e thoit fillon të rritet mbi cepat e thoit, ose kur është vetë thoi që depërton në lëkurë. Si rezultat shfaqen dhimbje, skuqje dhe ënjtje në anët e thoit pastaj brenda një kohe të shkurtër mund të shfaqet infeksioni. Ndonjëherë ju mund të vëreni një sasi të vogël qelbi si produkt i plagës.

Thonjtë mund të futen në mish për shumë arsye. Në disa raste, janë të lindura, pra janë shumë të mëdha për gishtat përkatës. Edhe traumat të tilla si kur ju lëndoni gishtin, ose dikush ju shkel këmbën mund të bëjnë që thonjtë të hyjnë në mish. Megjithatë, shkaku më i shpeshtë janë  këpucët shumë të ngushta, ose thonjtë e prerë keq, apo të papastër.

Kujdesi dhe trajtimi

Thonjtë e futur në mish duhet të trajtohen sapo ti e kupton problemin. Nëse ndërfutja e thoit në mish vihet re në kohën e duhur, pra para fillimit të infeksionit, disa metoda të thjeshta mund t’ju ndihmojnë për të shmangur përdorimin e terapive të tjera:

Lani me ujë të ngrohtë këmbët tre, ose katër herë në ditë.

Për pjesën tjetër të ditës mbajini këmbët e thata.

Vishni këpucë të rehatshme që të lënë hapësirë të mjaftueshme për gishtat. Nëse është e mundur, vishni sandale derisa të shëroheni.

Nëse dhimbja është e fortë merrni medikamente që përmbajnë ose paracetamol.

Nëse thoi nuk përmirësohet brenda dy, apo tre ditëve, ose nëse përkeqësohet, konsultoni mjekun tuaj.

Mund të jetë e nevojshme të ngrini lehtësisht cepin e thoit të hyrë në mish dhe të vendosni pak pambuk ose fill interdental mes tij dhe lëkurës.

Terapia kirurgjike

Nëse keni inflamacion, ënjtje dhe prani të tepruar të qelbit, thoi është i infektuar dhe keni nevojë për kujdesin mjekësor. Ndoshta mund të merrni antibiotikë dhe thoi mund të hiqet tërësisht, ose pjesërisht. Mjeku juaj është në gjendje të ndërhyjë në rrugë kirurgjikale për të hequr një pjesë të thoit, një pjesë të shtratit të thoit, një pjesë të indeve përreth dhe madje një pjesë të anësores së thoit.

Ndërhyrja kirurgjikale është e dobishme për të parandaluar që cepat e thoit të depërtojnë më tej në mish me rritjen e tij. Heqja e përhershme e thoit mund të rekomandohet për fëmijët që vuajnë nga thonjtë e futur në mish kronike dhe të përsëritura.

Nëse thoi i futur në mish është dhemb shumë, ose infeksioni është i përsëritur mjeku juaj mund të heq një pjesë të tij. Gishti i këmbës i nënshtrohet anestezisë lokale dhe mjeku përdor gërshërë të veçantë për të prerë pjesën e hyrë në mish, duke u kujdesur që të mos dëmtojë shtratin e poshtëm të thoit. Heqja totale e thoit të futur në mish rrit mundësinë që thoi të rritet me ndonjë deformim. Që thoi të rritet tërësisht nevojiten tre, ose katër muaj.

Parandalimi

Nëse problemi është kongjenitale, mënyra më e mirë për të parandaluar futjen e thoit në mish është të mbroni këmbët nga traumat dhe të vishni këpucë dhe çorape që lënë hapësirë të mjaftueshme për gishtat. Thonjtë duhet të jenë të prera në formë katrore, me një prerëse thonjsh të pastër dhe plotësisht funksionale, pa limuar dhe rrumbullakosur cepat. Thonjtë asnjëherë nuk duhet të jenë më të shkurtër se maja e gishtit. Ju rekomandojmë të mbani këmbët tuaja të pastra dhe të thata.