Fjalët e tua të ëmbla plot humor
Tek na shoqërojnë gjithmonë
Në gëzime e festa, papritur dje
U shuan në buzën tënde nga vujatjet
Përtharë.
Për një çast u shuan edhe në buzët
E bashkëkombasve të tu, ndërsa
Të etur prisnin ditën ta fillonin.
Zbrazëtia e shurdhër
E përpiu krejt natyrën, mëngjesin
E këtij marsi të hidhur shqiptar.
Me frymën tënde
U ndal vetëm për pak si kujtim
Edhe Jeta e një kombi.
Ti je vetë Fjala çudibërëse,
Artistët ngjajnë me të gjitha Perënditë,
Që dhimbjen vërtet dinë ta kthejë
Në forcë.
Vargje të nënshkruara: Arjan Th. Kallço