Skënderbeu dhe Partizani gjejnë gjuhën e përbashkët për numrin e biletave që do të rezervohen për tifozërinë e kuqe në supersfidën e të premtes. \
Klubi kryeqytetas konfirmon se pas negociatave përgjatë ditës së mërkurë ka gjetur mirkuptimin dhe bashkëpunimin me drejtuesit e Skënderbeut për të mundësuar një sasi prej më shumë se 300 biletash për tifozerinë e kuqe.
Drejtuesit korçarë, – shkruhet në njoftim, – janë shprehur të gatshëm për të mirpritur një numër të konsiderueshëm tifozësh nga kryeqyteti, të cilët do të akomodohen në sektorin e Tribunës E të stadiumit “Skënderbeu”.
Ndërkohë klubi Partizani pas takimeve me përfaqësues të tifozerisë së kuqe del garant për të shmangur çdo incident të mundshëm duke përfocuar faktin se takimi i së premtes do të jetë një festë e vërtetë sportive kjo falë edhe prezencës masive të dy tifozerive në stadium.
Udhëtimi i mbëshetësve të Partizanit drejt Korçës do të bëhen në mënyrë të organizuar dhe me një itinerar të përcaktuar qartë. Nisur nga ngjarjet e pakëndshme të javëve të fundit, të dy klubet që rivalizojnë për titullin kampion janë të angazhuar maksimalisht për të shamngur çdo incident të mundshëm.