Tifozët e Partizanit kanë “pushtuar” sot Tiranën, pasi skuadra e tyre ngriti pak më parë trofeun e kampionit në Kampionatin Shqiptar të Futbollit.
Nga stadiumi “Selman Stërmasi”, ku edhe u zhvillua ndeshja e parafundit e këtij sezoni me Kukësin, e përfunduar në barazim 1-1, festa e “demave të kuq” është zhvendosur në sheshin “Nënë Tereza”.
Nën një atmosferë të gëzueshme, tifozeria e kuqe e kryeqytetit dhe jo vetëm, feston titullin kampion të elitës së futbollit shqiptar, trofe ky që i mungonte prej 26 vitesh.
Më herët gjatë kësaj të diele u luajtën edhe ndeshjet e javës së 35-të dhe të parafundit të sezonit. Tirana ka në duar fatet e saj, por në 90 minutat e fundit do të duhet të masë forcat me Flamurtarin e impenjuar fuqishëm për një vend në kupat e Europës.
j.l./ dita