Në Maqedoni vazhdojnë provokimet e maqedonasve ndaj popullatës shqiptare. Jo më larg se sot pasdite, rreth 20 tifozë të klubit futbollistik “Gjorçe Petrov”, të cilët po ktheheshin me autobus nga një ndeshje futbolli kanë fyer rëndë shqiptarët në stacionin e Bit Pazarit.
Ata nga autobusi kanë ofenduar shqiptarët duke i sharë me babë e nënë, flamurin, kombin dhe fenë.
Qytetarët shqiptarë kanë reaguar duke dashur t’i zbresin të rinjtë nga autobusi, dhe t’i dorëzojnë në polici. Mirëpo, policia ka ndërhyrë menjëherë duke e mbyllur autobusin ku gjendeshin të rinjtë, duke i shoqëruar ata deri në stacionin policor.
Ministria e Punëve të Brendshme tha se po punon për zbardhjen e plotë të këtij rasti.
Në njoftimin e kësaj ministrie thuhet se 20 tifozët maqedonas janë duke e mbajtur në bisedë informative dhe ndaj tyre do të merren masat e parapara me ligj. / INA