Tirana e Vllaznia kanë ringjallur shpresat për t’u kualifikuar në Europa League, teksa kanë fituar ndeshjet e djeshme dhe e kanë shkurtuar në katër pikë diferencën nga vendi i tretë, që aktualisht mbahet Flamurtari, me pikë të barabarta me Kukësin. Bardheblutë e Nevil Dedes kanë arritur një fitore surprizë, nisur nga fakti që kishin mungesa të shumta në formacion. Në Krujë, Tirana u rezistoi sulmeve të vendasve në pjesën e parë, e cila u mbyll pa gola. Pas pushimit, Abilaliaj shënoi golin e avantazhit, ndërsa më pas Lika e Çota i dhanë përmasa më të thella fitores. Ndryshe nga takimi i Krujës, në Shkodër të tre golat u shënuan në pjesën e parë. Hajdari ishte autor i dy golave për Vllazninë, duke i dhënë dy herë epërsinë, fillimisht në minutën e 12-të e më pas në të dyzetën, pasi Mitraj kishte barazuar dhjetë minuta më parë për Tomorin. Tani Vllaznia e Tirana duhet të kapërcejnë patjetër Flamurtarin që të shpresojnë për Europa League, ndërkohë që vendi i katërt u bën punë vetëm nëse Kukësi zë një nga dy vendet e para dhe njëkohësisht fiton Kupën e Shqipërisë ose të paktën del në finale me Skënderbeun.
Kategoria Superiore
Java e 20-të
Dje
KASTRIOTI – TIRANA 0-3
Abilaliaj 61′, G. Lika 71′, Çota 78′
VLLAZNIA – TOMORI 2-1
Hajdari 12′, 45′ / Mitraj 30′
Të shtunën
LUFTËTARI – BYLISI 1-1
Fonseka 30′ / Gërxho 44′
APOLONIA – LAÇI 1-1
Ribaj 40′ / Buljan 14′
KUKËSI – SHKUMBINI 5-1
Popoviç 6′, 9′, 43′, Manuka 63′, Malindi 85′ / Gjata 86′
SKËNDERBEU – TEUTA 0-0
FLAMURTARI – BESA 0-0
Renditja
P Skuadra F B H Gol. Pikë
1 Skënderbeu 15 5 1 35:8 49
2 Teuta 11 5 4 25:15 38
3 Flamurtari 10 6 4 41:22 36
4 Kukësi 10 6 4 31:19 36
5 Vllaznia 9 5 6 25:20 32
6 Tirana 9 5 6 25:20 32
7 Laçi 8 4 8 25:27 28
8 Kastrioti 8 4 8 21:27 28
9 Bylis 8 5 6 23:19 26
10 Besa 6 6 8 18:20 24
11 Luftëtari 5 3 12 21:32 18
12 Shkumbini 3 7 10 10:28 16
13 Tomori 1 6 13 19:41 9
14 Apolonia 1 6 13 13:35 9