Një patrullë policie është përfshirë këtë paradite nga një aksident rrugor.
Ngjarja ka ndodhur pranë Stacionit të Trenit, në kryeqytet.
Raportimet nga vendi i ngjarjes bëjnë më dije se dy efektivët ishin duke lëvizur me një motorr të patrullës ku një i moshuar u ka dalë përpara. Për të shmangur të moshuarin, motori ka devijuar duke dalë jashtë rrugës.
Ka mbetur i plagosur një prej efektivëve të policisë, i cili ndodhet në gjendje të rëndë.
Mësohet se nga aksidenti ka mbetur i plagosur lehtë dhe një kalimtar.