Qendra shëndetësore numër 10 në kryeqytet është përfshirë nga flakët. Zjarri ka rënë në katin e parë të ndërtesës, ku si pasojë e mbingarkesës në sistemin elektrik, ka shpërthyer automati.
Menjëherë në vendngjarje kanë mbërritur dy zjarrfikëse, të cilat kanë bërë të mundur shuarjen e flakëve, duke evakuuar edhe personelin.
Mësohet se nuk ka pasur të lënduar.
Si pasojë e shpërthimit të automatit, është djegur linja elektrike e gjithë ndërtesës, ndërsa zjarri ka shkaktuar edhe dëme materiale.