Dy punëtorë ndërtimi po luftojnë me vdekjen në spital, ku përfunduan për shkak të rënies nga lartësitë, në dy kantiere të ndryshme. Ngjarja e parë ndodhi në afërsi të Sanatoriumit, në Sauk, ku si pasojë e humbjes së ekuilibrit, punëtori Hamdi Gega ka rënë nga një lartësi e madhe. Ai është dërguar menjëherë në Spitalin Ushtarak, ku bluzat e bardha bënë të ditur se gjendja e tij është e rëndë.
Ndërkohë, ngjarja e dytë ndodhi në Yzberisht, ku një tjetër punëtor ndërtimi ka rënë nga lartësia e një pallati në ndërtim e sipër. Mësohet se punëtori është rreth 50 vjeç, por identiteti i tij nuk është bërë i ditur ende. Ai është dërguar në spital, ku gjendja e tij vazhdon të jetë e rëndë.