Mbrëmjen e djeshme, një person ka gjetur vdekjen, është përplasur nga një automjet. Ngjarja ndodhur mbrëmjen e djeshme në kryeqytet, në aksin Paskuqan-Tufinë, rreth orës 21:40. Policia bën me dije se viktima është rreth 60 vjeç por identiteti nuk u bë i ditur deri në orët e vona të mbrëmjes. Nga policia mësohet se 60-vjeçari është përplasur nga një automjet teksa ishte duke kaluar nga njëra anë e rrugës në tjetrën. Forcat e policisë së kryeqytetit kanë mbërritur në vendin e ngjarjes dhe nisën hetimet për zbardhjen e rrethanave të ngjarjes.