Policia e Shtetit njoftoi dje se ky sezon veror ka shënuar fluksin më të madh të pushuesve që kanë hyrë në Shqipëri. Numri më i madh ka hyrë në Morinë. Ndërsa janë shtuar postet e punës dhe sportelet në pikat kufitare Morinë, Muriqan, Qafë-Thanë, Kapshticë, Kakavijë, Qafë-Botë, Durrës, Vlorë dhe Sarandë, dhe për mbulimin me punonjës punohet me orar të zgjatur. Gjithashtu janë shtuar shërbimet në plazhet e vendit. Për këtë shkak janë shtuar 55 vende pune. Kanë hyrë gjatë këtij sezoni mbi 450 mijë persona.