Një taksist ka denoncuar grabitjen me dhunë të makinës së tij e cila u gjet e braktisur pas disa orësh në periferi të kryeqytetit. Ngjarja ka ndodhur rreth orës 22:30, në rrugën “5 Maji”, kur persona të panjohur i kanë vjedhur më dhunë automjetin taksi me targa TR430B, 53-vjeçarit Gëzim K., banues në kryeqytet. Automjeti më pas është gjetur i braktisur në rrugën e “Ziftit”, në zonën e “Bregut të Lumit”. Një grup hetimor ka kryer veprimet proceduriale dhe marrë dëshminë e taksistit dhe gjurmët brenda mjetit për identifikimin e autorit.