Gjykata e Tiranës ka dhënë dje masën e sigurisë për 7 punonjësit e ndaluar për vjedhjen e 713 milionë lekëve në Bankën e Shqipërisë. Ndërkohë prokuroria ka kërkuar për 7 të ndaluarit masën “arrest me burg”. Seanca për masën e sigurisë u zhvillua me dyer të mbyllura. Avokati Qazim Gjoni shprehet se inventarizuesit nuk kanë përgjegjësi, pasi inventari bëhet me përzgjedhje. “Kutitë e përzgjedhura ishin në rregull. Inventari nuk bëhej i plotë, por me përzgjedhje. Inventarizuesit nuk shpërdoruan detyrën, Ardian Bitraj po mbron veten”, u shpreh Gjoni.