Policia e Shtetit, në bashkëpunim me familjarët, organizuan dje një ceremoni përkujtimore me rastin e 10 vjetorit të rënies në krye të detyrës të “Dëshmorit të Atdheut” Allaman Dervishi. Merrte pjesë në ceremoni edhe nëndrejtori i Policisë së Shtetit, Altin Qato. Më 24 maj 2004, duke qenë në shërbim së bashku me kolegun e tij Resmi Hasanpapaj, në hyrje të qytetit të Tiranës, vritet në krye të detyrës gjatë kohës që po tentonin të ndalonin një mjet të dyshuar, ndërkohë kolegu i tij mbeti i plagosur rëndë.