Një 42-vjeçar i shpallur prej disa javësh në kërkim për një heqje të paligjshme të lirisë dhe me masë sigurie në gjykatë, u arrestua ditën e djeshme nga policia e kryeqytetit. Burime zyrtare thanë se u ekzekutua urdhri i prokurorisë për ndalimin e Dritan Brisku, banues në Tiranë,ndërsa gjykata ka vendosur masën e sigurisë “arrest me burg”, për veprën penale të “heqjes së paligjshme të lirisë”. Policia nuk dha detaje rreth dosjes dhe ngjarjes në fjalë, duke mbajtur sekret hetimor çështjen.