Një person ka mbetur i plagosur orët e mbrëmjes së të enjtes në kryeqytet, pas të shtënave me armë zjarri të dëgjuara pranë zonës së njohur si Selitë.
Forcat e rendit kanë mbërritur menjëherë në vendngjarje dhe kanë nisur hetimet për identifikimin dhe kapjen e autorit të ngjarjes, edhe pse ende nuk dihet asgjë mbi motivet e këtij akti.
I plagosur ka mbetur shtetasi me inicialet D.M., 25 vjeç, i cili është transportuar menjëherë për në Spitalin e Traumës, nga ku raportohet se është jashtë rrezikut për jetën.