Një nxënës 14-vjeçar i shkollës Harry Fultz në Tiranë është përplasur nga një mjet sapo ka dalë nga dera e shkollës. Sipas policisë, fëmija ka dalë në mënyrë të befasishme në rrugë ndërkohë që është marrë zvarrë nga një mjet me targa greke. Policia ka shoqëruar drejtuesin ndërkohë ka nisur hetimet për zbardhjen e plotë të shkaqeve të aksidentit.
Nxënësi është dërguar me urgjencë drejt spitalit Ushtarak në gjendje të rëndë për jetën.