Seksioni Kundër Krimit Ekonomik dhe Financiar në kryeqytet, njoftoi dje se ka filluar procedimin penal për Hajdin Z., 44 vjeç, banues në Tiranë, me detyrë administrator i shoqërisë “Dini 2009”, pasi dyshohet se në vitin 2013, përmes mashtrimit, i ka marrë 34800 euro kosovarit me inicialet S. K., duke i premtuar një apartament banimi. Më pas nuk i ka dhënë as apartament, por as shumën nuk ia ka kthyer më pas. Pas ballafaqimit të palëve, materialet në ngarkim të tij iu referuan Prokurorisë së Rrethit, për veprën penale të “mashtrimit”.