Një ngjarje e rëndë ka ndodhur pak minuta më parë në Tiranë.
Dy grupe janë përplasur me armë me njëri-tjetrin, pas një konflikti midis tyre.
Ngjarja ka ndodhur pasdite e sotme pranë zonës së 21-Dhjetorit, pak metra nga Komisariati Nr.2. Fatmirësisht nuk raportohet për persona të lënduar, por kalimtarët e rastit janë tmerruar.
Në vendin e ngjarjes kanë shkuar forca të shumta policie. Ende nuk ka ndonjë emër të personave të përfshirë në konfliktin e armatosur.
Grupi hetimor ka shoqëruar disa persona në Komisariat, në cilësinë e dëshmitarit okularë. Ndërkohë, pritet që të sekuestrohen kamerat e sigurisë, pranë bizneseve ku ndodhi përleshja.
o.j/dita