Një tjetër aksident me pasojë vdekjen është shënuar pasditen e kësaj së diele.
Ngjarja e rëndë ka ndodhur në Farkë, të Tiranës, rreth orës 18:45.
Viktima mësohet të jetë një 46-vjeçar me inicialet L.M.
46 vjeçari ka qernë duke udhëtuar me motoçikletë, kur është përplasur nga një makinë.
46-vjeçari është dërguar në spital, por pavarësisht ndërhyrjes së mjekëve, ai nuk ka mundur t’i mbijetonte plagëve dhe ka ndërruar jetë.
Autoritetet policore kanë shoqëruar drejtuesin e automjetit, ndërsa grupi hetimor po vijon punën për zbardhjen e plotë të rrethanave të aksidentit.
Ky është aksidenti i tretë me pasojë vdekjen pasditen e kësaj të diele.
Më herët, një këmbësor në moshën 80-vjeçare gjeti vdekjen në autostradën Kavajë-Durrës, pranë “Shkëmbit të Kavajës” pasi u përplas nga një automjet.
Ndërsa më herët, në Lushnje një 17-vjeçar përplasi për vdekje me makinë një 64-vjeçar me biçikletë.
e.ll./dita