Një vajzë me maskë dhe me thikë është kthyer në tmerrin e qytetarëve që jetojnë vetëm në shtëpi. Polici thotë se ka mundur të bëjë identifikimin e vajzës grabitëse pasi një ngjarjes së fundit kur vodhi një të grua të moshuar që jetnte vetëm.
Ajo quhet Klaudia dhe është 26 vjeçe.
Sipas burime pranë komisariatit numër 6, policia u vu në dijeni për grabitësen femër nga telefonata e një të moshuare që duke ju marrë fryma e duke ju dridhur zëri njoftoi “ një vajzë më plagosi. Kërkoi para “. Kur policia vrapoi në banesën e gruas , gjeti aty një atlete dhe një telefon, nga të cilët shkoi në gjurmët e grabitëses, të cilës më herët ja kishte hequr kapuçin nga koka e zonja e shtëpisë dhe kishte zbuluar se hajduti nuk ishte një djalë , por një vajzë e imët dhe e re në moshë.
Po zbardhim rrëfimin e gruas së sulmuar me inicialet I.K :
“Po rrija në shtëpi, dhe isha vetëm. Në orën 19.30 dëgjova që dera kryesore u hap me forcë dhe për pak minuta në dhomë hyri një vajzë me kapuç në kokë. Ajo mbante në dorë një thikë. Kërkoi t’i jepja lekët”
Gjithçka ka ndodhur në shtëpinë e gruas ka qenë një skenë përleshjeje mes vajzës dhe të moshuarës e cila ka reaguar instinktivisht.
“E kundërshtova e qëllova, edhe ajo më qëlloi , u përleshëm. I hoqa maskën nga koka dhe aty pashë që ishte vajzë. “
Në përleshje e sipër grabitësja e qëlloi me thikë të moshuarën duke e prerë në dorë dhe duke i shkaktuar plagë edhe në fytyrë. Pas përleshjes dhe zërave të gruas që thërriti për ndihmë, hajdutja është larguar, por në nxitim e sipër asaj i ka rënë përtokë celulari, në të cilin kishte të dhëna personale, fotografi të sajat dhe të familjes. Që ky numër i përkiste hajdutes së maskuar dhe aktualisht në kërkim u konfirmua nga familja e saj. Mes pyetjeve të thjeshta agjenti e pyet babain e vajzës se çfarë numri ka vajza juaj dhe ai i përgjigjet duke i treguar numrin dhe markën e aparatit që përkojnë me telefonin e humbur në banesën ku u tentua të grabitej
Policia i tha gazetës ‘Si” se gjatë përleshjes me të moshuarën 26 vjeçares i doli nga këmba edhe një atlete, për të cilën sërish i ati tregon se kur vajza u largua për kafe kishte veshur një palë atlete dhe ishte sport. Por kjo është ndihma që burri ka dhënë pa e ditur për provat që ishin gjetur në banesën e të moshuarës, ndërsa ai insiston se të bijën që është larguar pa adresë ja rrahën pasi tentuan ta vidhnin.
Veç këtyre të dhënave, agjentët kanë plotësuar një mal me letra duke administruar edhe rrëfimet e familjarëve të tyre, që kanë treguar se si vajza i kishte njoftuar se ishte në spital dhe se si i kishte telefonuar kushëririt që ta dërgonte deri në autostradë.
e.sh/Dita
Kush asht tjeter perveq monika kryemadhit, ose gruan adi rames keto I kane vjedhur shqiptaret