Deputeti i Qarkut të Shkodrës, Tom Doshi është rikthyer për herë të parë në parlament që pas arrestimit më 26 mars.
Përveç mungesës së Mark Frrokut, i cili ndodhet në arrest me burg, në rreshtin ku ulet Doshi nuk kishte asnjë deputet të Partisë Socialiste.
Aktualisht, Doshi ndodhet nën masën “arrest me detyrim paraqitjeje”, çka i lejon atij të marrë pjesë në seancat parlamentare.
Pak ditë më parë Gjykata e Lartë nuk e pranoi kërkesën e tij për të qenë i lirë dhe për shpalljen jo kushtetuese akuzën ndaj tij për kallëzim të rremë.
Më parë, Doshi ishte shprehur se nuk do të rikthehej në Kuvend pa mbyllur çështjen me drejtësinë.
