Një futbollist nga Argjentina mund të luajë shpejt për kombëtaren shqiptare. Trajneri Panuçi i dërgon ftesë mbrojtësit me origjinë arbëreshe, Tomas Guidara, raporton abcnews.al.
Edhe Shqipëria mund ta bëjë natyralizimin e parë. Kombëtarja është në ndjekje të një lojtari në Argjentinë, të quajtur Tomas Guidara, dhe që luan për Belgranon në elitën e futbollit të atij vendi.
Pozicioni i tij është mbrojtës i djathtë, mosha 22-vjeçare, ndërsa origjina mësohet se është nga arbëreshët e Italisë.
Mediat argjentinase informojnë se Federata Shqiptare e Futbollit i ka dërguar një kërkesë futbollistit, dhe pret një përgjigje.
“Kadena 3”: Kombëtarja e Shqipërisë dëshiron të natyralizojë Tomas Guidarën!
“Mundo.Lavoz”: Bëhet zyrtar, interesi i Shqipërisë për Guidarën!
Fillimisht, lajmi kishte dalë në gazetën “Ole” që në nëntor të vitit të kaluar, por nuk pati vazhdimësi, ndonëse duket se trajneri i kombëtares, Panuçi, e ka ndjekur Guidarën për t’u bindur përfundimisht për të.
Vetë italiani pohon se e ka ndjekur lojtarin, por nuk është se ka folur direkt me të.
Ende nuk dihet se cila do të jetë përgjigja e mbrojtësit të djathtë, por në Federatë shpresojnë që ai të vendosë shpejt, në mënyrë që të jetë gati për eleminatoret e Europianit që fillojnë në muajin mars.
v.l/ Dita
Pas Dukes tani edhe Panuci eshte kthyer ne matrapaz. Ne shqiptaret pu mbushim kombetaret e botes me lojtare e ky shkon e kerkon lojtare argjentinas per kombetaren.