Topalli-Halimi-Islami-Ristani dhe luanët e tjerë të Partisë Demokratike!

Njëzetë vite shkuar,
o-moj Jozefinë,
po për dreq s’ta dinim,
fare-trimërinë!

Sot të kanë skiptarët,
si një frymëzim,
për një kryengritje,
a një rebelim!

Ty-një luaneshë,
në fakt nuk të dinim,
aq më pak luan,
Eduard Halimin!

Në mendon të tillë,
Kastriot Islamin,
thjeshtë në një maçok,
katandis luanin!

Ja ti je luane,
mbase pa shaka,
luanët e tjerë,
SHQUP-i ku i ka?!

Në rast rebelimi,
kundër asaj bandës,
ata do të jenë,
në ballë të komandës!

Nëse kryesorët,
kanë prerje luani,
një i tillë mendohet,
që të jetë Ristani!

Kur dalin luanët,
dridhet vërtetë toka,
ndaj luan mendohet,
aty dhe Paloka!

Që çetë e Topallit,
cilësisht të rritet,
si krye luan,
Luli llogaritet!

Edhe pse s’ka krifë,
Topalli e thirri,
tha-të jetë në çetë,
edhe Strazimiri!

Edhe Strazimiri,
bën për të sulmuar,
se është nga të gjithë,
luan i provuar!

Veç një luaneshë,
nuk do zgjojë këmbana,
ndaj me Jozefinën,
do jetë dhe Albana!

Histori e luftës,
tek ajo është tretur,
po pak trimëri,
tek ajo ka mbetur!

Se për pak harruam,
një goxha luan,
harruam pa dashur,
luanin Tritan!

U grupua çeta,
ashtu siç u tha,
po krifë luani,
vetëm Sala ka!

Sala me luanin,
ka shumë ngjasime,
por ai direkt,
s’merr pjesë në luftime!

Por s’do rrijë mënjanë,
përmbi qelbësira,
si edhe më parë,
do drejtojë nga zyra!

Jashtë revolucionit,
s’e lë dot doktorin,
se ai drejtoi,
katërmbëdhjet’ Shtatorin!

Rebelim-Topalli,
që nis këtë verë,
këtu na ka ndodhur,
edhe tjetër herë!

Me Nanon dikur,
e provuan fatin,
mund të bëjnë një provë,
edhe me Të Gjatin!

Ngrihu Jozefinë,
dhe Luli me zulm,
luanët që kini,
thërrisni në sulm!

Në vapën e Gushtit,
kryengritjen nisni,
edhe qelbësirat,
mund që t’i përmbysni!

Luftoni “luanë”,
për ditë më të mira,
dhe pse jini vetë,
krye qelbësira!