Kryetari i Frymës së Re Demokratike Bamir Topi deklaroi se objektivi i kësaj force politike është integrimi në Bashkimin Evropian.
“Politika e vjetër ende nuk ka një plan konkret në luftën kundër korrupsionit. Pavarësisht nga bindjet politike, e ardhmja do të përcaktohet nga një politikë e re”, u shpreh Topi për mediat.
Situata e rëndë ekonomike në të cilën është zhytur vendi, për Topin është pasojë e keqqeverisjes së Kryeministrit Sali Berisha.
“Për këtë vend duhet një politikë emancipuese dhe jo diskriminuese”, u shpreh Topi, duke akuzuar Kryeministrin se ka shitur kufirin ndaj grekëve, ndaj theksoi se ai sot nuk mund të bëjë si nacionalist.