Kryetari i Frymës së Re Demokratike Bamir Topi deklaroi sot se zhvillimi ekonomi I vendit po pengohet nga lidhjet klanore dhe vendi ndodhet në ngërç zhvillimor.
Gjatë një takimi me qytetarët në Kukës, Topi fajësoi dy partitë e mëdha për situatën e rëndë që po kalon sot vendi.
“Zhvillimi ekonomik po pengohet nga lidhjet klanore të lidhura me qeverinë dhe vendi në ngërç zhvillimor dhe për këtë fajtore janë dy partitë e vjetra. Gjithashtu borxhi public është në shifra alarmante si pasojë e keqqeverisjes” tha Topi.
Ndërsa u kërkoi votën qytetarëve të Kukësit, Topi u premtoi se FRD-ja se do të bëjë të mundur ndryshimin në Shqipëri.
“Ne do t’i kthejmë qytetarëve besimin tek politika. Duhet t’i japim vetes shancin të qeverisim jetët tona,bëhuni pjesë e ndryshimit” tha Topi.
Ndërsa Aleksandër Biberaj ka theksuar se rinia e këtij qyteti është pa të ardhme në tregun e punës pasi qeveria i shet vendet e punës. “Kukësi është qyteti i paradoksit të investimeve” tha Biberaj.