Një pako e çuditshme i ka mbërritur me postë një çifti të moshuarish në Australi. Ata nuk e dinin se çfarë përmbante dërgesa dhe firmosën tek postieri .Por pasi e hapën, brenda gjetën 20 kilogramë metamfetaminë.
Çifti, i cili jeton në periferi të Melburnit telefonoi menjëherë policinë, pasi mbetën të shokuar nga ajo që kishte mbërritur në shtëpinë e tyre.
“Pyetën njëri-tjetrin nëse kishin porositur ndonjë gjë, dhe askush nuk e kishte bërë”, tha hetuesi Matthew Kershaw. “Është e pabesueshme të mendosh që një trafikant të jetë kaq i pakujdesshëm”.
Pak orë pas zbulimit, një 21-vjeçar përfundoi në pranga në qytezën Bundoora, pranë vendbanimit të çiftit.
Në shtëpinë e tij u gjetën edhe 20 kilogramë të tjerë metamfetaminë.
Zhiling Ma, doli të enjten para gjykatës dhe u akuzua për trafikim ndërkombëtar të lëndëve narkotike.
“Në rrugë, droga do të ndahej në 800,000 doza, me vlerë 20 milionë dollarë”, shtoi Kershaw.
j.l./ dita