“Trafiku nuk u bllokua për asnjë çast dhe askush nuk u plagos”, deklaroi një zëdhënës i policisë gjermane, pasi një elefant, që quhej Kenia, doli nga një kopsht zoologjik në perëndim të Gjermanisë, duke bërë një shëtitje në qytet, përpara se të rikthehej në kafazin e tij.
“Elefanti doli nga kopshti zoologjik në qytetin Neuwied, në shtetin Rhineland Palatinate, dhe shëtiti për rreth një kilometër”, njoftoi një zëdhënës i policisë.
Shumë njerëz e filmuan elefantin, ndërkohë që ecte dje mes për mes qyteti dhe i hodhën videot në internet.
“Shëtitja ishte e shkurtër dhe paqësore”, tha zëdhënësi i policisë, ndërkohë që më pas një punonjës i kopshtit zoologjik, pa shumë përpjekje, e ktheu në kafazin e tij.
a.s/dita