Tre shqiptarë të plagosur nga flakët në Athinë, 2 janë fëmijë

Ambasada shqiptare në Athinë bën me dije se si pasojë e zjarrit në Greqi janë plagosur tre shqiptarë, dy prej të cilëve janë fëmijë.

Gjithashtu ambasada thekson se pritet një konfirmim zyrtar nga autoritetet greke për identifikimin e viktimave të kësaj tragjedie.

“Ambasada e RSh-së në Athinë njofton se pas verifikimeve të kryera në terren në të gjitha spitalet në zonën e Athinës, si dhe nga burimet zyrtare të Emergjencave Civile, rezulton se përveç rastit të qytetares shqiptare në spitalin Evangelismos për të cilën kemi njoftuar, janë dhe dy fëmijë nga e njëjta familje, të moshës 10 dhe 13 vjeç nga Fieri, të shtruar në spitalin pediatrik Agia Sofia, në gjendje të mirë shëndetësore.

Ditët në vijim pritet një konfirmim zyrtar nga autoritetet greke për identifikimin e viktimave të kësaj tragjedie. Ambasada është në ndjekje të situatës duke komunikuar në vijimësi me autoritetet kompetente”, njofton ambasada.

o.j/dita