Një automjeti në zonën e Rrashbullit i është vendosur eksploziv ditën e sotme. Fatmirësisht pronari i mjetit ka pikasur lëndën plasëse, dhe pasi ka zbritur nga makina ka njoftuar menjëherë policinë.
Mësohet se lënda eksplozive i është vendosur një automjeti tip “Benz” ngjyrë gri, por ende nuk dihet identiteti i pronarit të mjetit.
Sapo kanë mbërritur në vendngjarje, forcat e policisë kanë rrethuar zonën, dhe për këtë arsye është bllokuar edhe lëvizja e mjeteve në aksin rrugor Durrës-Shijak.
Sakaq, në vendngjarje pritet të mbërrijnë forcat xheniere, për të mundësuar çaktivizimin e lëndës plasëse.