Trump dhe Putin “kokë më kokë”. Cilat janë çështjet që do diskutohen

Donald Trump dhe Vladimir Putin do të takohen më 16 korrik në kryeqytetin e Finlandës, Helsinki.

Qasja spontane e presidentit amerikan në marrëveshje si dhe stili i padiskutueshëm i atij rus bëjnë që takimi i tyre të mos jetë aspak i parashikueshëm. E megjithatë, analistët amerikanë duket se kanë marrë përsipër të rendisin një sërë çështjesh, të cilat mendohen se do të jenë objekt diskutimi.

Një nga subjektet kryesore pritet të jetë retorika e garës së armatimit, por mendohet se një vend të rëndësishëm në bisedime mund të zërë edhe çështja e sanksioneve të vendosura të SHBA-së ndaj Rusisë, e cila ka “dalë” në skenë fill pas aneksimit të Krimesë.

Analistët vijojnë të thonë se nuk mund të anashkalohet as konflikti në Siri, pasi shqetësimi i Izraelit është shtuar ndjeshëm nga përfshirja e Iranit, e duke qenë situata e tillë, Trump mendohet se mund të kërkojë nga Putini ndërhyrjen e tij në këtë çështje.

Dy nga çështjet e tjera që pritet të shtrohen në tavolinë dhe që nuk shkojnë përshtat me interesat ruse, janë shtrirja e NATO-s në vendet kufitare me Rusinë dhe sponsorizimi i qeverisë pro-amerikane në Ukrainë, nga ana e Shteteve të Bashkuara.

s.a/dita