Kandidati i ekstremit të djathtë, Jair Bolsonaro arriti një fitore dërrmuese në zgjedhjet presidenciale të Brazilit, ashtu siç edhe ishte parashikuar nga vëzhguesit.
Kundërshtarët e shihnin me frikë një triumf të tillë, për të cilin janë të bindur se e kërcënon seriozisht njërën prej demokracive më të mëdha të botës.
Kongresmenin brazilian e kanë quajtur ndryshe edhe “Trumpi Tropikal” për qasjen e tij luftarake, pikëpamjet përçarëse dhe qëndrimet kundër elitës politike.
Bolsonaro arriti të siguronte 55.2% të votave kundrejt 44.8% të Fernando Haddad, nga partia e majtë e punëtorëve. Fushata e tij elektorale u mbështet tek premtimi për të çrrënjosur realisht korrupsionin e për të ulur nivelet galopante të krimit në vend.
Secili prej kampeve përgjatë gjithë kohës argumentoi me forcë se fitorja e tjetrit do ta çonte Brazilin drejt shkatërrimit.
Fitorja e Bolsonaros përbën praktikisht një kthesë të fortë djathtas të demokracisë më të madhe të Amerikës Latine, e cila është qeverisur nga Partia e Punëtorëve për 13 vjet, nga viti 2003 deri në vitin 2016.
Dikur ish-komandat ushtrie, kongresmeni i krahut të djathtë është kritikuar edhe për lëvdatat e tij ndaj diktaturës ushtarake të Brazilit dhe për komentet fyese ndaj homoseksualëve, afrikano-brazilianëve dhe grave.
Dikur pati thënë për një anëtare të Kongresit Kombëtar se ishte mjaft e bukur për t’u përdhunuar.
Mesazhi i Bolsonaros është se Brazili është bërë një shtet jofunksional dhe se një udhëheqje e fortë nga një person jashtë sistemit aktual politik është e nevojshme për të rivendosur rendin.
o.j/dita
Shikoni me cfare merren mediat, Bolsonaro sapo eshte zgjedhur President I Brazilit me voten e Qytetareve keta llapin pa u ulur akoma ne kolltuk.
Eshte i DJATHTE, cfare kerkoni te jete me homoseksualet dhe me korrupsionin qe ka 13 vite LULEZIM me qeverisjen e te majteve.
Lerini krahasime duke e quajtur “Trump Tropikal”, ai eshte Presidenti i BRAZILIT.