Kryeministri grek Aleksis Cipras të martën më 2 prill do ta vizitojë Maqedoninë e Veriut.
Delegacionin që do ta kryesojë Ciprasi, do të pritet në aeroportin në Shkup, e më pas në ceremoninë e posaçme me nderime të larta shtetërore.
Kryeministrat Zoran Zaev dhe Aleksis Cipras do të kenë takim bilateral dhe më pas edhe konferencë të përbashkët për shtyp në Qeveri. Do të mbahet edhe seancë ndërqeveritare.
Kryeministri grek do të ketë takim edhe me kryetarin e Kuvendit, Talat Xhaferi.
Në orët e pasdites, kryeministrat Zaev dhe Cipras do të marrin pjesë në forumin e biznesit.
Kryeministri grek vjen në Shkup edhe me delegacionin e biznesit që e përbëjnë përfaqësues të mbi 70 kompanive të mëdha dhe të mesme.
Delegacioni mbështetet nga kompania greke për investime dhe tregti të jashtme “Enterprise Greece”, trupi kompetent shtetëror, nën mbikëqyrjen e Ministrisë së Ekonomisë dhe Zhvillimit, për tërheqjen e investimeve në Greqi dhe për promovimin e eksportit.
b.b/dita
Kurse Shqiperia eshte bere si ne kohen e enverit, i ka prishur me te gjitha shtetet e rajonit marredheniet, asnji nuk na afrohet vk