Si pasojë e turbulencave të shumta 20-25 minuta para uljes, 10 persona janë lënduar teksa udhëtonin me avionin Boeing të kompanisë AKL Airlanes, i cili po udhëtonte nga Prishtina për në Basel.
Zëdhënësja nga EuroAirport në Zvicër ka thënë se ekipet e emergjencave kanë dalë menjëherë në aeroport pasi aeroplani ishte ulur dhe i kanë trajtuar të lënduarit.
Ajo tha se aeroplani që kishte në bord 121 pasagjerë eshte ulur në orën 20:07 dhe 10 persona menjëherë janë dërguar në spitalin e qytetit të Baselit, pa dhënë sqarime të mëtejshme se çfarë ka ndodhur apo cili ka qenë shkaku i lëndimit të pasagjerëve.
Pasagjerët që kanë qenë të pranishëm në momentin e aksidentit kanë treguar për minutat e tmerrit, siç ata i quajnë.,
“Isha e bindur, tani do të bie. Thoja kam frikë se do të vdes”, ka rrëfyer pasagjerja nga Kosova Mirjeta Basha.
Bashkëshorti i saj, me të cilin kishte vizituar të afërmit në Prishtinë, deklaron se në aeroplan u krijua situatë kaotike.
j.l./ dita