“Turi i Saliut? Shkëlzeni ka burgun afër”, Duka e thotë me vargje: “Rihapja e Gërdecit nuk është thjesht për Mediun, janë hapur dy TV me ato lekë”

A do jetë Shqipëria parajsë nëse dënohet Saliu? A do ketë më shumë punësim, mirëqënie, shëndet, siguri, meritokraci? Pra, a është vetëm Saliu “nëna” e gjithë të këqijave, dhe ikja e tij në burg ose azil është zgjidhja e artë e halleve të shqiptarëve?

Le të supozojmë se SHBA sjell “prova” për korrupsionin e Saliut por gjykata e dënon me dy vite e gjysëm burg për ndonjë mos deklarim në formular, si puna e A.Llallës. E sigurisht, Doktori do shkojë në azil politik në Hungari a diku tjetër. Pyetja e parë është: Vërtet mendoni se Amerika ka 30 vite që mbledh prova për Saliun dhe ia nxorri tani mandatën, dhe mqs iu rezulton i korruptuar do edhe të bëhet drejtësi e të dënohet? Sa krime bëri AL Kapone? Për çfarë e dënuan? Për evazion fiskal. Kur FBI nuk i gjeti dot Kapones prova të tjera krimesh, do i gjejë Saliut që ka qënë në pushtet e ka bërë si ka dashur? Le të jemi seriozë në analizë. Është e gjitha një teatër, mjafton të shikosh kohën kur e nxorrën Non Grata doktorin. E gjitha është një fasadë e SHBA dhe ambasadës për të justifikuar 100-200milion $ që kanë harxhuar për reformën e dështuar në drejtësi, reformë nga e cila vettingu nxorri gjykatësit e korruptuar nga sistemi dhe iu tha “ti hani gëzuar lekët e korrupsionit”, dilni çik tani nga sistemi, po të doni kthehuni pas 15 vitesh. Një tallje e madhe! Ç’drejtësi zeza është kjo? Kjo quhet ndryshe amnisti krimi. Dhe s’ka faj Amerika! Si mund të bësh drejtësi në një vend thellësisht të korruptuar për 30 vite me radhë, ku në total (nga politikanë, apo bashkëpuntorë të tyre, gjykatës etj)mund të jenë vjedhur nga shteti rreth $100 miliardë? 100 milion$ sa kushton reforma, vetëm Rama mund t’i ketë në total para të fshehura që SHBA ia di shumë mirë se ku. Imagjinoni që kush ka qënë në pushtet ka marrë pjesën e vet KÇK. Edhe gjasme lufta për drejtësi që bën SHBA në Shqipëri është luftë për pushtet, për ndikim, dhe Rama ua ofron më së mirë nga të tjerët rolin e pushtuesit (guvernatorit) duke qënë se është marioneta kryesore e Sorosit, ashtu siç është edhe E.Veliaj që është kryebashkiak.
Krijimi i një sistemi të ri ekonomik mund të realizohet në 6 muaj, transformimi i ekonomisë mund të arrihet në 6 vjet, ndërsa ndryshimi i pikëpamjeve dhe i qëndrimeve shoqërore kërkon 60 vjet. ( DAHRENDORF)
Do thoni ju pse ka akoma ithtarë të Berishës, ndërkohë që është Non Grata dhe dihet si ka qeverisur? Sepse në ato vite kur ka sunduar Doktori, janë punësuar me mijëra njerëz, madje edhe në ministrira, bashkira, administratë, vetëm se ishin militantë, apo rryshfetxhinj, spiunë, dhe pa asnjë meritë tjetër. Këta milirantë nuk i ka ushqyer e nuk i ushqen SHBA, as Znj.Kim. Sidoqoftë, doktori nuk është më kryeministër. Le të supozojmë se edhe do dënohet apo do shkojë më azil. Po pastaj? Ç’do bëhet me popullin, me njerëzit e ndershëm të këtij vendi? Asgjë! Same on, same on! Avazi. Mjafton shiko si e çoi Rama administratën para zgjedhjeve, 185000. Për çfarë? Për vota. 2 mandate, asnjë rezultat, asnjë sistem ekonomik i ri, asnjë meritokraci, asnjë transformim, vetëm fasadë, shpopullim. O rri papunë, ose emigro, ose vërdallusu nëpër call centera pa asnjë perspektivë, edhe pse ke studiuar me sakrifica dhe ke qënë student i mirë në universitet. Tani Babloku, na propagandon Ballkanin e hapur. Antishqiptarizëm i pastër dhe rrënim i ekonomisë vendase. Për çfarë na duhet Ballkani i hapur i Sorosit?? Për të importuar miellin serb jo cilësor? Ose, thuhet psh se kompania “Lufra” tashmë importon qumësht nga Serbia dhe na e shet ne pastaj për shqiptar. Ose tjetra, INSTAT raporton se numri  i bagëtive në vendin tonë po bie nga viti në vit, ndërkohë që prodhuesit e produkteve të qumështit dhe bulmetit, deklarojnë rritje të prodhimeve bio.Shqipëria importon 50% të qumësht pluhur dhe vaj palme nga jashtë, një pjesë e mirë e së cilëve është jashtë standarteve dhe me rrezik për jetën e qytetarëve. Ka kompani që importojnë qumësht pluhur dhe na e shesin pastaj për qumësht bio të freskët. Shteti nuk kontrollon dot cilësinë e ushqimeve, apo s’do se janë të korruptuar e nuk iu bëhet vonë për shëndetin e qytetarëve. Ky palo shtet do kontrollojë korrupsionin? Do rrisë punësimin dhe vendosë meritokraci? Shikoni sa çorap janë bërë pronat në Shqipëri, si japin dorëheqjen me radhë drejtorët e hipotekave. Shikoni si rilindja ka punësuar milirantë të vetë në hipoteka, militantë që psh kanë mbaruar vetëm baçelorin te UFO në Berat. Nëse në 30 vite, ky popull falë këtyre politikanëve të korruptuar krijoi këto vlera, e këto besime e pikëpamje mbi punësimin, korrupsionin, mënyrën e jetesës, sa kohë i duhet për t’i ndryshuar? 60 vite, siç thotë Dahrendorf? Dimë që demokracia nuk eksportohet, dhe këtë më së miri na e vërtetoi SHBA në Afganistan, ku nuk bëri dot një reformë në drejtësi, ku pushteti atje ishte i korruptuar, aq sa u larguan me thasët me para. Saliu ka fajet e veta, por fajet kryesore i ka populli që voton këta të korruptuar e nuk ngrihet për hallet e veta, madje hesht edhe kur i ngrihet çmimi i bukës. Çdo popull ka qeverinë që meriton. Ky është çmimi që paguajmë me indiferencln tonë, pranojmë të udhëhiqemi nga të paaftë dhe të korruptuar!