Turqia, të dielën në zgjedhje. Sondazhet parashikojnë balotazh

Turqia do të shkojë në zgjedhje këtë të dielë dhe pozitat e Erdoganit nuk shfaqen më të palëkundura sikurse më parë.

Sondazhet e opinionit tregojnë se partia e tij mund ta humbasë shumicën në parlament.

Jo vetëm kaq, por ato tregojnë se zgjedhjet presidenciale mund të shkojnë edhe në një raund të dytë.

Në rast se Erdogan do të fitojë më 24 qershor, ai do të rrëzojë pozicionin e kryeministrit dhe të gjithë pushtetin e këtij të fundit.

Kjo fitore do t’i mundësojë atij transferimin e pushtetit të kryeministrit presidentit, pra vetes.

Por në rast se ndodhë që ai të humbasë, Erdogan do të përballet me gjyqin për korrupsion ose do të detyrohet të dalë në pension të parakohshëm.

Megjithatë, analistët mendojnë se diçka e tillë ka shumë pak gjasa që të ndodhë.

Çdo lloj anketimi vazhdon t’i japë Erdoganit të paktën 43% të mbështetjes, çka tregon se ai vazhdon të mbetet një politikan popullor.

Nga ana tjetër, opozita turke ka zhvilluar një fushatë të suksesshme me kandidatë të fortë.

Vëzhguesit thonë se ndryshimi është në ajër, por që të ndihet do duhet të zhvillohen zgjedhje të lira dhe të ndershme.

s.a/dita