Kjo pikturë e blerë për 60 dollarë është sot “rizbulimi më i madh artistik i shekullit të 21-të”.
Bëhet fjalë për “Salvator Mundi” të Leonardo da Vinçit.
Vepra u zbulua këtë të martë në Shtëpinë e ankandit Christie në Nju Jork dhe pritet të kapë çmimin 100 milionë dollarë kur të dalë në shitje në nëntor.
“Salvator Mundi” (“Shpëtimtari i Botës”) është një nga 20 pikturat e njohura të da Vinçit.
“Salvator Mundi ‘është Graili i Shenjtë i pikturave të mjeshtrit të madh. Është ditur që ka ekzistuar dhe është kërkuar për një kohë të gjatë. Duket si ëndërr që tashmë e kemi” – thotë Alan Wintermute, eksperti i Christie për pikturat e vjetra.
Da Vinçi e pikturoi imazhin e Jezu Krishtit në të njëjtën kohë me “Mona Liza”-n.
Vepra zbukuroi muret e pallateve mbretërore para se të zhdukej në fund të shekullit të 18-të.
Deri në kohën kur piktura u rishfaq në vitin 1900, origjina e saj ishte harruar.
Kryevepra u shit për 60 dollarë në vitin 1958, para se të identifikohej më në fund si vepra e Da Vinçit në vitin 2011.
b.m. / dita
