Ish-Presidenti i Republikës së Shqipërisë, Alfred Moisiu priti familjarët e dëshmorit Kujtim Frangu i cili humbi jetën në vitin ‘97 në mbrojtje të votës në rrethin e Matit. Me rasin e 20 vjetorit të ndarjes nga jeta, Moisiu, shprehu konsideratën e tij për komisionerin demokrat.
Ish-Presidenti tha se figura te tilla janë shembull për të gjithë ne. “Kur për të mbrojtur idealet nuk e kursen jetën je një shembull për të gjithë,” tha Moisiu në pritjen familjare.
Ai nuk harroi të jepte dhe një mesazh për politikën ku kërkoi që mbi Shqipërinë dhe interesat e vendit të mos vihet asgjë .
Gjithashtu një falenderim pati edhe nga ana e familjarëve të Kujtim Frangut për ish-Presidentin Alfred Moisiu për kontributin e tij ne nderimin figurës së dëshmorit.