“Në raste sherresh apo konfliktesh në zgjedhjet e 23 qershorit, komisionet e qendrave të votimit (KQV) do të kenë autoritetin të ndërpresin procesin e votimin dhe të njoftojnë forcat e policisë për të vendosur rendin. Ky është ndryshimi që ka ndërmarrë KQZ-ja në udhëzimin e vitit 2009, që parashikon rastet kur forcat e Policisë kanë të drejtë të hynë në qendrat e votimit, nëse konstatohen tentativa për të prishur procesin zgjedhor”, shkruan sot “Panorama”.
Në udhëzim nuk ishte i parashikuar autoriteti i KQV-së për ndërprerjen e procesit të votimit, edhe nëse në ambientet e qendrave të votimit do të konstatoheshin tentativa për të prishur rendin apo zhvillimin e rregull të votimit. Në relacionin e hartuar nga administrata zgjedhore thuhet se: “Kur në qendrën e votimit rrezikohet rendi ose zhvillimi i rregullt i votimit, KQV–ja pezullon votimin dhe njofton menjëherë organet e Policisë së Shtetit dhe KZAZ–në”.
Në udhëzim nuk është specifikuar nëse kërkohet aprovimi i të gjithë anëtarëve të qendrës së votimit për të ndërprerë votimin dhe për të njoftuar policinë, por në udhëzim thuhet se kërkesa mund të bëhet edhe nga një anëtar i vetëm, që është i pranishëm në momentin që cenohet rendi. “Sapo forcat e Policisë paraqiten në qendrën e votimit, KQV-ja u dorëzon menjëherë atyre, përpara ndërhyrjes, njoftimin për thirrjen e policisë, të firmosur dhe vulosur nga anëtarët e komisionit të pranishëm në momentin që cenohet rendi dhe zhvillimi i rregullt i votimit.
Kryetari ose çdo anëtar i KQV–së njofton menjëherë KZAZ–në për incidentin e ndodhur. KZAZ–ja është e detyruar të shënojë në Librin e Protokollit të Mbledhjeve të KZAZ–së njoftimin dhe orën e marrjes së tij. KZAZ–ja ia përcjell kërkesën menjëherë organeve të Policisë së Shtetit”, thuhet në udhëzimin e KQZ-së.
Kjo do të thotë se Muli, Ristani, Poni e Kuliçi (pra mëkëmbësit e Saliut), janë të plotfuqishëm që të mbyllin çdo Qendër Votimi ku dihet se fiton opozita.
Këto janë zjedhje “të lira, të drejta e të ndershme” por që duhet t’i fitojë vetëm Saliu.