Tifozët e Vllaznisë ishin një nga gjërat më të bukura të aventurës europiane të klubeve shqiptare, por pati disa momente, kur edhe ata e humbën toruan dhe u bënë autor të shkeljeve të ndryshme, më e rënda ajo e hedhjes së sendeve në fushën e blertë gjatë ndeshjes me AEL Limmassol në “Loro Boriçi”.
Ashtu siç pritej, UEFA ka ndëshkuar klubin shkodran me gjobë. Drejtuesit e Vllaznisë do duhet të paguajnë plot 27 600 euro si ndëshkim për hedhjen e shisheve në fushë (19 600 euro) dhe bllokimin e shkallëve të stadiumit (8000 euro), që është parë gjithashtu nga delegati dhe është konsideruar shkelje.
Kjo shumë i shtohet edhe 10 700 të tjerave, të marra në ndeshjen e kthimit në Shkodër ndaj Siroki Brijeg dhe 5 mijë të marra në ndeshjen e parë në Bosnje. Kështu, në total Vllaznia do duhet të paguajë plot 43 300 euro në arkat e UEFA-s. Nënkampionët përfituan 550 mijë euro nga aventura në Conference League.
e.sh/Dita
Histori e perseritur.
Kesaj i thone qe te paguash kot.
Ato euro do te perdoreshin qe te blihejnje lojtar cilesor.
Tifozët e Vllaznisë janë gjëja më e shëmtuar e aventurës evropiane të klubeve shqiptare….