Saimir Ujkani largohet nga Palermo. Portieri i kombëtares shqiptare do të luajë i huazuar tek Kievo, skuadër që shiti portierin e saj Sorentino pikërisht tek Palermo.
Ujkani ka debutuar në Serinë A në vitin 2008 me siçilianët. Më pas, u huazua tek Novara ku tregoi vlerat e tij fillimisht në Serinë B e më pas në Serinë A.
Me rënien sërish një kategori më poshtë të Novarës, Palermo e ktheu në skuadër duke i besuar portën, por rezultatet e dobëta të skuadrës siçiliane ndikuan edhe në rendimentin e tij.