Presidenti i Palermos komenton me humor incidentin e golit të Romës
Presidenti i Palermos, Mauricio Zamparini, e ka cilësuar si pamje qesharake përplasjen midis portierit Samir Ujkani dhe mbrojtësit Munjoz në rastin e golit të dytë të pësuar nga Roma. Pas një topi të gjatë në zonën e Palermos, Munjoz dhe Osvaldo ishin në garë për topin, kur portieri doli me shpejtësi nga porta dhe u përplas me shokun e skuadrës së tij, duke i dhënë mundësi romanistit të merrte topin e të shënonte. Zamparini e ka marrë me humor: “Përplasja e Munjozit me portierin dukej si karikaturë. Gjëra që ndodhin, nuk patëm fat. Megjithatë, mendoj se me Romën kemi arritur fundin dhe tani duhet të ringrihemi”.