Ulet sërish numri i viktimave, miliona spanjollë kthehen në punë

517 persona kanë humbur jetën në Spanjë në 24 orët e fundit nga koronavirusi, raportoi Ministria e Shëndetësisë atje.

Shifra tregon luhatje të vazhdueshme, gjithsesi në rënie, të viktimave ditore.

Të dielën, numri i viktimave ditore ishte 619, ndërsa të shtunën 510.

Sipas të dhënave më të fundit, numri total i viktimave ka arritur në 17489, që prej nisjes së krizës shëndetësore, ndërsa 169496 raste janë konfirmuar zyrtarisht.

Prej tyre, 64727 janë shëruar.

Fabrikat dhe kantieret e ndërtimit u hapën të hënën në Spanjë.

Miliona njerëz u kthyen në punë pas dy javësh pushim.

Policia u dorëzoi maska në stacionet e metrove në Spanjë të gjithë punëtorëve jo-esencialë.

j.l./ dita