Unë u them këtyre faqezinjve

Letër e nënshkruar

Dervish Malka

E nderuar gazeta Dita! E lexoj çdo ditë gazetën tuaj. Ju po godisni fort sëmundjen e madhe që ka mbërthyer shoqërinë tonë, korrupsionin. Korrupsioni sot është një nga shqetësimet më të mëdha shqiptare. Ish-qeverisja e ngriti atë në sistem. Sot, kudo të shkosh të kërkosh shërbim, duhet ta kesh qesen plot. Kohët e fundit, ish-qeverisja ka nisur të përhapë lajmet e saj për përfshirjen e ushtrisë në trafik droge me avion. Këto shpifje shkencore të trafikimit të drogës me avion nga ushtria, unë i përbuz dhe më neveritin pa masë. Unë u them këtyre faqezinjve që kanë ardhur si të klonuar nga mendja faqezezë e Berishës, t’u thërrasin mendjes e t’u përshtaten kërkesave objektive të shoqërisë tonë sot. T’i largohen mendjes së gjyshit ditëshkurtër, sepse jo dita, por edhe ora për ta do të jetë e kushtueshme. Me respekt, Dervish Malka, Fier.