Fondi i Kombeve të Bashkuara për Fëmijët (UNICEF) njoftoi se 115 milionë fëmijë meshkuj në mbarë botën janë martuar në moshën fëmijërore.
UNICEF për herë të parë ka përgatitur një raport mbi fëmijët që martohen në moshë të hershme “fëmijët dhëndër” të bazuar në të dhënat nga 82 vende të botës.
Sipas raportit, në botë ka 115 milionë fëmijë dhëndër, ku 1 në 5 nga këta fëmijë janë të martuar para moshës 15 vjeçare.
Republika e Afrikës Qendrore ka shkallën më të lartë të fëmijëve dhëndër me 28%, e cila pasohet nga Nikaragua me 19 % dhe Madagaskari me 13%.
Aktualisht, 1 nga 5 femra në moshën 20-24 vjeç janë martuar para moshës 18 vjeç, ndërkohë që kjo përqindje u gjet të jetë 1 në 30 tek meshkujt.
Në lidhje me këtë temë drejtoresha e përgjithshme e UNICEF-it, Henrietta Fore tha se “martesa e hershme po vjedh fëmijërinë e njerëzve”.
Pasi ka vënë në dukje se fëmijët dhëndër detyrohen të marrin përgjegjësinë e të rriturit, Fore thekson se “martesa e hershme sjell babanë e hershëm. Përveç kësaj, u ngarkon fëmijëve detyrimin për të mbajtur familjen, ndërprerjen e arsimit dhe i detyron të punojnë”.
b.b/dita
Statistikat paksi te ngatruara po i lxojme.
Keto te miturit duhet ti kene marre nuset ma te reja se veten ose
si ajo e Cajupit 14 vjec dhenderr ma te medha ne mosh.
Vrejtje:
Aktualisht, 1 nga 5 femra në moshën 20-24 vjeç janë martuar para moshës 18 vjeç, ndërkohë që kjo përqindje u gjet të jetë 1 në 30 tek meshkujt.
Kjo ligjerat nuk ka te baje fare per martesat e meshkujve te mitur.