Vargje të nënshkruara,
Kapo Labi
Që ditën e parë që dole
ndrite si diell pa re,
korrupsionin kritikove,
kusarët fute në dhe!
Midis shoqesh u dallove
sado që ishe e re.
Nga askush hua nuk more
po shpërtheve si rrufe.
Vazhdo rrugën që ke nisur
e vetmja shpresë për ne
s’je përulur, s’je gremisur,
po në këmbë si Ante!
Stafit të Ditës
Me qiri t’u kish kërkuar
zor se do t’ju kishin gjetur
një staf kaq të përkushtuar
për një drejtësi të etur!
Me atdhenë të dashuruar,
që nuk bëni kompromise
me mafiozë të korruptuar
që kanë mbush’ këto mjedise.
Thano kryeredaktori,
gëzuar mirëse të gjeta
editorialet e tua
me piper, po të vërteta!
Analizat që ke bëre
janë për t’u lavdëruar,
kanë një horizont të gjerë
nga të gjithë janë vlerësuar.
O Alqi të përshëndes,
të dërgoj një mijë urime,
je i saktë e ke sukses
në ato të tuat shkrime.
Paç dorë më të lehtë
kur të bësh redaktime
se na vini në siklet
dhe lexuesit kanë ankime!
O Xhevdet qofsh i gëzuar,
ty të ka në zemër Dita,
me të je si mish e thua,
jo se vjen nga “Amerika”.
Po intervistat e tua
mbajnë erë gazetari,
shkrime që të gjithë i duan
sepse s’kanë anësi.
Gëzuar, Bedri Islami!
rrënjë e UÇK-së trime,
bashkë me Dilon kontribuat
shok, koleg i armës time!
Shkrimet e tua me famë,
mezi priten nga mileti,
janë si buka që hamë
kanë fakte prej vërteti.
Arben Duka t’u ngjattë jeta,
burimi që nuk shteron
gjithmonë ke thënë të vërteta,
pena jote nuk gabon.
Ti marshall, un’ thjesht rreshter
po Dita ne na bashkoi,
kjo pena jonë zeher
çdo kusar e shkatërroi
O Viktor, o mendjendritur!
Pena jote bën çudira,
ato shkrime kanë habitur
dhe ata që kanë cmira.
Ku është fshehur dituria
që ky vend ka shumë nevojë,
në krye ka dalë padija,
nga ca lolo pa përvojë.
Entela zonjushë e madhe
pena jote s’ka pushuar
ke kapur probleme, halle
dhe çdo ditë bukur ke shkruar.
Dhe të tjerë që nuk i njoh,
Të gjithë qofshi të gëzuar,
dhe për ju lexues të dashur,
Fat, Shëndet e të Nderuar!
Te pershendes o Kapo Labi,dhe gezuar per shume vjetè.