Presidenti i Angolës, Jose Eduardo dos Santos ka caktuar vajzën e tij si drejtuesen e kompanisë shtetërore të naftës, Sonangol.
Sipas BBC, Isabel dos Santos, e vlerësuar nga Forbes si gruaja më e pasur në Afrikë me një pasuri prej 3.3 miliardë dollarë, e merr detyrën pasi i gjithë bordi u shkarkua nga babai i saj në prill.
Angola dhe Nigeria janë prodhuesit më të mëdhenj të naftës në Afrikë.
Dos Santos është në pushtet prej vitit 1979.
Kritikët e akuzojnë si autokrat.
Ai është lideri i dytë në Afrikë me më shumë kohë në pushtet.
Vendi afrikan është i pasur edhe me diamante, të cilat kanë provokuar edhe një konflikt civil 27-vjeçar në vend.