Një i ri është arrestuar nga efektivë të komisariatit numër 2 në kryeqytet një ditë më parë, pas denoncimit nga ish e dashura.
Sipas burimeve policore, 19-vjeç K.T., akuzohet se ka dhunuar fizikisht dhe psikologjikisht ish të dashurën dhe e ka përndjekur.
Ka qenë e reja ajo që ka bërë denoncimin në polici duke çuar në arrestimin e tij, duke u shprehur se ndihej e rrezikuar.
19-vjeçarja G.S. tha para uniformave blu se ndiqej nga ish i dashuri në mënyrë të vazhdueshme, në kohë e vende të ndryshme, madje ai kishte ngritur edhe dorë ndaj saj, pasi nuk pranonte ndarjen mes tyre.